Letter of Pope Francis To Laimi (Laimi Sinah Pope Francis Cakuat)

Fracis

Kan bu chungah nu asinain pa bantukin a ummi siloah pa asinain nu bantuk in a ummi hna hi zeitindah kan hmuh hna? Nu le nu i um, pa le pa i um hi teh zeitindah kan colhan lai?  Nu le pa hi teh kan i khat tiah maw kan ruah, nu an niam deuh ko tiah dah? Hi kong ah  March, 2013 ah Pope i an thimmi Pope Francis i hmuhning van rel ve uh.

  1. Khirhfabu nih nu le nu, pa la pa umnak kongah a tha a chia timi a ruahnak cu a langhter khawh. Sinain cu minung  hna pawl i an thlarua kong ah hnahnawhnak a pe kho lo. Khrihfabu nih thlarau lei a rian le vawlei lei a lungput a cuai a thlai lo ahcun caku in sakmi inn bantukin a rawk lai. Vatican RC hruainak  sersiam thannak ding ah Khrihfabu i a lungput thlen a hau. Khrihfabu innka hi hmuhnak a bi tukmi hruaitu ruangah ai khar tawn. Pathian mibu hna nihhin amah le amah ai thummi tukhal lawng an herh. Nawlngaihnak he cabuai thutden ah thut a duhmi Pathian riantuantu an herh lo. (Pope a si hlan a min cu Jorge Mario Bergolio si. Hodah na si tiah an hal lioah, keimah cu mi sual ka si a ti.)
  2. RC nih nu ordian pek lo ding kan ti ko zong ah nu hna cu pa nakin an niam deuh tinak a si lo. Khrihfabu ca i bia kan khiah tikah nu lungput fimnak ai tel ve lo ahcun a si kho lo. Khrihfabu hi nu hna tel loin le an rian an tuan ve lo ahcun a nung kho lo. Cucaah nu hna nih an ruahnak hi kan ngaih ve i biapi ah kan chiah piak hna a hau.
  3. Gays le lesbians hna hi zatlang nun ah zohchuk an ton hmanh ah khrihfabu nih cun a tuah awk a si lo. RC zumhnak phung nih nu le nu, pa le pa nih tuahmi nupa thil cu a doh. Asinain, an minung pumpak cu upatnak , dawtnak le theihthiamnak he nan cohlan hna lai a ti. Pathian nih minung cu phungphai tang in a kan luatter cang caah an thlarau kong ah hna kan hnawh kho hna lo. Hgnalh thlu khawh a si lomi minung kan sining cio ahhin biacaihtu ka si kho lo.
  4. Khrihfabu nih zumhnak kan tialmi hna cu kai fiang i ka cohlan. Asinain ai kalhmi buainak kong hna hi a zungzal in chimpeng  a herh loh. Zeipoah a thei dihtu phun in bia a chimmi cu Naal prophet lawng an si. Hruaitu tha taktak nih cun an theih khawh  lomi kha Bawipa sinah an pek. Hruaitu hna nih ka thei ve lo, ka tling ve lo timi toidornak kan neih khawh lo caan a tam. Argentina i bishop rian ka tuan lio i biakhiah kai palh lengmang nak cu ka nawl ngaihnak lungrinh in khualrang tukin bia ka khiah caah a si. Hi hnu cu a cang hrimhrim ti lai lo.

http://religion.blogs.cnn.com/2013/09/19/pope-francis-church-cant-interfere-with-gays/?hpt=hp_t1

Categories: Theological paper

Leave a Reply