A Niambik Hmun in A Nganbik Khamtu Bawi

Walter cu vawleing cung a nganbikmi company ah rian a thok. A sangbik sin a duh ahcun a niam bik in na thok lai tiah a director nih a chimh. Cakuat pawl a then lioah philhlik a hmuh. Ka lamh lai a ti lio ah phihlik nih: “Ka thah hlah! Keimah cu Phihlik Milton ka si, na duhmi kan pek lai,” a ti. Cuticun a duhmi cu a pek ceumeo i company CEO ah a cang. Voi khat cu in cungbik ah a va kai i hngachia pa a thla a cam lio mi a va hmuh. Ahodah zei thil na hal, tiah a va hal. Hngakchiapa nih, Pathian sin ah ka lungthli tum ka hal a van ti. Amah nakin a sang deuhmi an um rih kha a celh lo i Phihlik Milton sinah a va kal than i, “Pathian si ka duh,” a va ti than. Phihlik nih ‘Okay’ a timi pathian ah a canter. A hun izoh cu a rak thok hmasabik a rian ah khan cabawm then ding a si than (James Merritt).

Philippians 2:5-11

Nan lungput cu Khrih nih a rak ngeihmi lungput kha si seh; cucu hihi a si:Pathian sinak kha a ngeih zungzalmi a si ko nain hramhram in Pathian tluk si awk kha cuh awkah a rel lo.Amah lungtho te tu in cu vial cu a hlawt dih i sal sinak tu kha aa lak; Minung bantuk ah a cang i minung mui in a lang;Mi toiah aa dor i nawlngaihnak lam kha thih tiangin a zulh— vailam cung thihnak kha.Hi ruangah hin cunglei a sannak bik hmun ah khin Pathian nih a cawi i min vialte lak i min cungnung bik kha a pek;Cucaah Jesuh min upatnak caah cun vancung i a ummi vialte nih si hna seh, vawlei i a ummi vialte nih si hna seh, vawlei tang i a ummi vialte nih si hna seh, an khuk an i bil lai iPathian kan Pa sunparnak caah cun lei vialte nih Jesuh cu Bawipa a si, an ti lai.

Mark 9:35

Jesuh cu a ṭhu i zultu hleihnih hna cu a auh hna i, “A ngan bik si a duhmi cu nauta bik ah le mi vialte sal ah aa chiah hrimhrim awk a si lai,” tiah a ti hna.

Zumtu khuallam GPS cu Pathian bia a si. A zul kho deuhdeuh paoh nih kawltung an neih deuh. Saul nih keimah cu Benjamin miphun, Mirum Kish fa, mi dawh pumrua tha aa ti i zore ah a dong. David nih: “Kei cu tuukhal, a nungmi Pathian fa ka si a ti,” ti hero ah aa chuah. 

Categories: Uncategorized

Leave a Reply