Khrihfabu le Hruaitu 

  • Khrihfabu cu thlarau nun siamnak bu i a si pumh le Pathian thangthat hi a biapibik a si. Pathian he i neih deuh duh ah zumtu hna cu khrihfabu ah an ra. Pathian bia le Pathian duhnak theih duh ah an ra. Pathian umpinak le Pathian dawtnak theih duh ah an ra. Zumtu hawi he thlacam ti awk le Pathian dawtnak karhter ti an i zuam.
  • Khrihfabu cu hnekchom siloin zumhnak ai lomi le tinhmi ai khatmi hna minung hna nih mah duhthimnak tein i hawikomhnak hmun a si. Ai tinhmi cu pakhat le pakhat pehtlaihnak tha an ngeih khawhnak ding a si.
  • Khrihfabu cu a miakmai a kawl lomi bu a si. Sinain cozah lei he pehtlaihnak a ngei a cozah zong nih phungning tein a cohlan vemi bu a si. Aa tinhmi cu amah tein a dir lai i mibu dang hna kha zalawng tein bawmh khawhnak nawl a ngei tinak a si.

(Rev. Dr. Si Khaw)

Khrih Keneh Zulhnak

  • Thlahtu nih fialmi rian kha thih tiang in a tuan (John 4:34; 17:4).
  • A tuan ding rian aa fiang (John 4:18-19).
  • A hriamnam cu toidronak le dawtnak an si (Filipi 2:1-11; John 13:12-17).
  • Pa nih a  pekmi nawlneihnak zong a hman (Mtt.28:18; Luke 20).
  • Bawmtu 77, zultu 12, le dawttu 3 aa serh hna.
  • Sal sinak i lak (Mt. 20 : 26-27), Zultu ke tawl (John 13 : 4 -14).

Hruaitu Caah Mifim Bia

  • Mi hruaikhawhnak fimnak a ngei lai i sulpahtu (Hmaisuang) a si lai (Webster Dictionary). 
  • Chimrel khawhnak, thilti khawhnak pahrang, rian pakhat tuan ciocio zongah midang nak in fel deuh in tuanduhnak, midang zohchuntlak, huham a ngei lai (Dr.Gains Dobbins).     
  • Mah kut nih a phak lo zongah mipi kut hmangin riantuan thiammi a si lai (Peter G. Wiwcharuck).
  • Mipi nih duh lomi zong thiltha si a hngalhfian ahcun lungsau tein an cohlan khawh tiang chimrel aa zuam lai (Harry S. Truman).
Categories: Uncategorized

Comments are closed.