Khuachia cu caan ṭha pe hlah!
- By Chan Lian
- 3 August, 2026
- Comments Off on Khuachia cu caan ṭha pe hlah!
Zumtu nun cu thianh cuahmah mi nun (Prograsive sanctification) a si. Keimah zong ka tlinh lo. Nan tlinh cio lai lo. Bawipa bochan in kan izuam hna lai (Rev. Joseph Ngun Lian). Kannih cu Pathian kutchuak kan si i Pathian nih thil ṭha tuah dingah a rak kan tinh bantukin Khrih he kan i pehtlaihnak thawngin thil ṭha cu kan tuah khawhnak hnga a kan ser ṭhanmi kan si (Efesa 2:10). Nizan ah Khamhnak na co ve. Khrih na zumh cang caah Pathian vel nih an phanh ve. Zungzal nunnak ah Pathian sunparnak nai hrawm rih lai. Mithiang Paul nih fiang tein a chim: “Kannih cu Pathian rocotu kan si, Khrih roco-hawi kan si; zeicahtiah Khrih temhinnak kha kan i hrawm ahcun a sunparnak zong kan i hrawm ve lai,” (Rom 8:17). Hi thimcoternak (Justification) le sunparternak (Glorification) rian ah minung tuah mi zeihmanh um lo. Martin Luther nih Pathian nih khamhnak rian a tuannak ah minung leiin kan i thawnhmi cu kan sualnak lawng a si, a rak ti. Amah bel nihin nunnak ah Pathian ralchantu sehtan hmunhma pek lo ding ah fial kan si (Efesa 4:27).
Mah duhmi paoh tuah i palh sual tikah sehtan puh zong sehtan caan tha pek a si. Phisin thiam le sawiphet thawn tuk zong khi sehtan caan tha pek a si. San ka tlai lo tiin fialmi rian midang hawih lengmang zong a si thiam. a bikin midang caah san a tlaimi bia vahpi nak nih khuachia cu caan tha a pek bik. Bia nan i ruah tikah mi ca ṭhat lonak bia hmang hlah u. Mi ca i san a tlaimi, a herhmi zawn i ṭhatnak a chuahpitu le a theimi thluachuah vanluh a petu ding bia lawng kha hmang u (Efesa 4:29). Mah zawn ko ahhin zumtu si hi a harbik ko rua ka ti. Sianin “khuachia caan tha pek” timi te isehchih ahcun tlinh deuh chin lengmang khawh a si. Cu pinah, zumtu hna bawmtu ah Thiangthlarau pek kan si. “Daihnak kan chiahtak hna, keimah daihnak cu kan pek hna. Vawlei nih an pek hna bantukin kan pe hna lo. Lungrethei le vansang au in um hlah u: nan thin zong phang hlah u.’Kan kaltak hna lai, sihmanhsehlaw nan sinah ka ra ṭhan lai,’ ka ti pei nan theih ko kha. Nan ka dawt ahcun ka Pa sin i ka kal lai hi nan i lawm lai, zeicahtiah amah cu keimah nakin a ngan deuh (John 14:27-28)Ngaihthian khawh lomi sualnak cu Thiangthrau donh a si. Thiangthlarau ngaihchiater cu “Huatnak kha lungthli in i uamnak le thinhunnak le ingpuannak” hna an si (Efesa 4:31-31). Hi lunglut he nun cu mah caah a harbik. Cucaah Khrih nih a ka zultu nih cun a vailam a pu lai (Mark 8:34), a ti nak kha si. A hawithabik Peter zong, ‘sehtan’ tiah Khrih nih a auh. Sehtan hmunhma pek lo cu Khrih vailam iput a si.
CTL
Copyright © 2026