Value in life

Chuahni Sunglawi

• By Chan Lian
• 28 February, 2020
• No Comments

Nihin hi Ka fanu Miss Van Tha Bor Chuahni a si. A hawile nih nizan pumh dih in an lomh pi. Kanmah zong an i lawm ngai. Chuahni aa philhmi kan tampi men lai. Tonny timi hngakchia pa nih a pi ca a kuatmi James Merritt nih hi tihin a tial: Dear Grandmother,
I’m very sorry that I forgot your birthday last week. It would serve me right if you forgot mine next Tuesday.
Love,
Johnny
A pi Chuahni a philh ruangah aa phuhrung i amah Chuahni zong rak ka philh piak ve te tiah a kuatmi message a si. Tu kum kan Bawipa Jesuh chuah camtuak ahhin a ho chuahni set dah a si ti a ruat tak rih lomi kan um ahcun nihin hi ruah caan a si cang.

Aho hmanhnih Khrih chuahni set le kum kan thei kho lo. A luan ciami kum 2020 hrawng ah a cangmi a si caah a si. Sinain December 25 hi Khrih a zumtu kan dihlak nih khamhtu chuahni tiin kan sunhsakmi a si. Kan Pathian cu a thawngmi, liangnanbawi a si nain a dawtbikmi kanmah minung a sermi khamh awk dawtu Pathian a sinak a langhter. A fapa ngeihchun Bawi Jesuh cu kan sinah a hun thlah i kanmah dantat awk ah a rak si nemman lo. Kanmah ca i tuartu ding le misual a kan ngaithiam tu ding ah a rak si diam. A chuahnak le a thihnak nih minung thinlung a thlen. Toidornak le dawtnak in a thawnnak, Pathian a sinak a hman.

Chuahni kan lomh tik ah aho chuahni t ii fian a hau. Khrih Jesuh Chuahni hi zei caah dah na lomh. Mah i langhnak caah a si lo. Kan caah a sun lawi tuk caah kan lomhmi a si. Khrih hi um hlah sehlaw Khrihfabu hi a um lai lo. Khrihfabu umhlah sehlaw Laimi hi zei dah kan hei si hnga. EC upa zong kan um lai lo. Nu upa ee, mino ee, Sunday School ee, pastor ee ti a um lai lo. Civui ee, youth camp ee, meeting ee tihi a um lai lo. Khrihfabu a si lo in Laimi nih kan ngeihmi meeting cu naa hau saknak, caw hau saknak ti bantuk lawng a rak si kha philh khawh a si lo. Atu ahcun Khrih nih a thisen in a kan cawkpiakmi Khrihfabu thawngin rianlian ngan pi kan ngei. Minung kan sinak a tling. Bawipa Jesuh cang ah leiba kan chamh kho ball ai nain a chuah thla hi sunhlawi ko rih usih!