Khrih Damnak Rili Leiah

Hlan deuh ahcun zawtnak hi phun thum lawngah rauh a si. Taksa in damlonak, thinlung in damlonak le thlarau in damlonak hna an si. Hi pathum ah pakhat khat nih phak a si tikah a dang pahnih zong hna an zaw chih tawn. Nihin ahcun pehtlaihnak damlonak hi chap chih a si cang. Nu le va lung thiang tein dawtnak he i chonhbiak khawh ti lo. Fale le nu le pa karlak ah i ttihnak le i hlennak a tam. Nih chuak naloin nih, huam na loin i chawh, a hrial in i hrial te hna a tam chinchin lengmang. Rev. Dr. Hre Kio a paw a rak hlai hmasabik tu doctor pa nih, “Minung pumchung thilri a ttha lo mi cu kan cik i kan lak khawh. Kan hlainak hma kan tthittthan. Mah vial cu minung tuah khawhmi a si,” tiah a chim. Rev. Kerry Shook talked to many doctors in his church who say, ”Kerry, we can do the surgery, but God’s the one who heals.”. Damlonak fak le lungretheihnak fak nih tlak rawh ahcun damter khotu tak a si mi Khrih Jesuh fuh hi a hman bik mi le damnak taktak cu a si. Minung le minung cu mi hma a pawrtertu menmen kan tam. 

Mitcaw pa kha Khrih sinah an rat pi. Bethsaida khua chungah a si caah khua leng ah a kal pi hmasa. A kut ah a cil a buah i a mit cungah a chuan. Khua nah mu cang maw tiah a hal. Minung hna hi thingkung ai chawk bantuk in ka hmuh hna a ti. Dam hram cu aa thok nain damnak tling a hmuh rih lo. Khrih a kut a chuan tthan. Cu hnuah damnak tling a hmu, 20 ah 20 in ka hmuh dih, a fiang tuk cang a ti (Mark 8: 22-26). Khrih sin i damnak kawl tikah, 1) A umnak hmun in tthialter hmasa mi an um, 2) Chikkhat ah damtermi an um, 3) Zatceu lawng damter rihmi an um, 4) Damnak tlamtling cu a hnubik ah pek mi an um. Pathian na zum ko, thla na cam ko, nai bochan ko nain Pathian rianttuan ning na fiang lo caan a um ko lai. Zumhnak timi cu mah le mah i fian lo zongah damtertu Pathian nih ka cungah khuaruahhar thil a tuah hrim lai ti i hngah khawh a si.

Na pawngkam ummi minung kip nih damtertu kut an herhnak zawn a um cio lai ti kha philh hlah. An mirh men lai nain chunglei ah hmarung an ngei kho. First, everyone carries a hidden hurt. Everyone you meet tomorrow is carrying a hidden hurt. They may smile on the outside. They may look like they’ve got it all together on the outside, but on the inside, they’re hurting because everyone has a hidden hurt.? And secondly, everyone needs healing. Everyone needs healing of some sort (Kerry Shook). Thuhmi zawtnak pakhat tal cu ngeih cio a si. Hopaoh nih damnak an duh. Damnak Khrih rili leiah i tthial hna usih. Umhmun ah um ti hlah usih. Chikkhat damnak siloah duhsah damnak kan hmu hrim lai. Thlarau a zaw mi hna cu sual ruangah i phuhrun zawtnak a si. Ngeihthamnak hal dingah kan khual rang sehlaw, ngaithiamtu Khrih sinah kan khup i bil hna usih. Thilrit a zang lai. Nun thar aa thok lai. Cu nun cu taksa thih hnu zong ah aa peh lai. Zawtnak um ti. Lonak hmun, zungzal vanram kalnak lam cu Khrih Jesush a si.

Categories: Uncategorized

Leave a Reply