Khrihfabu Hruaitu le Mipi Lungput Tha

Khrihfabu a dam khawhnak ding ah hruaitu le hruaimi i pehtlaihnak hi a biapi tuk tiin ruah a si. Pastor cu Khrihfabu hruaitu a lu bik a si. Upa hna he aa pehtlaihnak, member hna he aa pehtlaihnak ah lungput hman a ngai hrimhrim a hau i zapi zong nih cubantuk tuanvo an ngei ve. Dr. Jerry Vines hi US pastor ah upatmi pakhat a si. Khrihfabu le vawlei hruainnak aa dannak a chim lengmang. Pastor cu mah duh paoh in hruaitu kan si lo a ti. Cu chungah mi lungthin a tawng ngaiin a chimmi bia kan van lak ve.

1. Mah duh paoh in mi a hruaitu nihcun amah duhnak lawng tuah a duh peng. Pastor nih cun Pathian duhnak tu kha tuah a duh peng.
2. Mah duh paoh in mi a hruaitu nihcun amah duhnak tlinter kha a duh peng. Pastor nih cun Pathin hmaika ah zumh tlak si tu kha aa zuam.
3. Mah duh paoh in mi a hruaitu nihcun minthan kha biapibik ah a chiah. Pastor nihcun sal ttha si kha aa zuam.
4. Mah duh paoh in mi a hruaitu nihcun mi kha an taw a sawh hna i amah duh ning in kal dih hna seh ti aa zuam, Pastor nih cun mipi thluachuah hmu hna seh ti aa zuam.
5. Mah duh paoh in mi a hruaitu nihcun mi nih rak ka zul hna seh ti lawng kha a duh i pstor nih cun mi nih zeidah an i tlak i an co tin awk a si ti kha a kawl.

Mah mifim Pastor Dr. Vines nih a ttialmi hi Laimi zong nih kan ruah ve awk a si ko. Hruaitu hna nih zeitluk in dah hruaimi kan cungah dawtnak le i pumpeknak an ngeih ti kan fian ahcun hrauimizong nih i bochannak le lomhnak in kan khah awk a si, Cu ve bangin hruaitu hna nih dawhnak tak tak he rian kan ttuan maw ti zong kan i checknak bawmtu a si.

A ngan a dammi khrihfabu ah a herhmi lungput hna kha Pastor Jim Perdue hi tihin a chim.
1. Mipi nih hruaitu ah thim hna upat ding, an nawl zulh ding. Hruaitu loin khrihfabu hmai a kal kho lo. Pathian pekmi mission rian zong a ttuan kho lo. Cun hruaitu zong nih ding fel tein khrihfabu kha hruai ve ding a si.
2. Hruaitu nih Khrihfabu member dihlak cungah pehtlaihnak a tthami ngeih ding. Mah hi a har tukmi a si caah lungsaunak timi hi kan nun ah ngaih cio a hau. Zei khrihfabu hmanh a tling dih timi a um lo i lungsaunak tu in kil kawi a hau tinak a si.
3. Hruaitu he mipi he Khrih hnu zultu tha si ding. Cu ah a biapi mi cu thla camnak, thawngttha karternak le khoika um paoh ah Khrih zultu kan sinak kha kan nun in in langhter ding a si.

Categories: Artical

Leave a Reply