Sehtan Tlangcung Cawnpiaknak

Mathai 5 chungah Bawi Jesuh tlangcung cawnpiaknak kan rel cio. US ummi kan caah rel a hau ve timi min theih lo catialtu nih Sehtan tlangcung cawnpiaknak hi kan rel ahcun hmailei kan khrihfabu le pumpak, chungkhar kan caah san a tlai kho men. Mah ca hi pumpak soiselnak a si lo. Kan life ai dang cio caah a rel zia tu thiam cio ding in kan sawm hna. Sehtan nih thluachuakmi tiah a tialmi cu:

1. Ka baa tuk, kai manh lo tuk tiin zarh khat ah voi khat hmanh zumtu hawi sin i Pathian thangthatnak caan a pe kho lomi cu mi lunglawm nan si. Sehtan nan pa rian a ka bawmtu tha bik nan si.
2. Khrihfabu member chungtel si ko tung in mi nih rak lawmh ding le bomh ding lawng a hngak pengmi cu mi lunglawm nan si. Sehtan keimah i hman fawi cem nan si.
3. Thin a tawi tukmi le lungsaunak pakhat hmanh a ngei lomi cu mi lunglawm nan si. Nan pa Sehtan i kan missionary nan si.
4. Khrihfabu i buainak a chuahpi lengmang tu hna cu mi lunglawm nan si. Nan pa Sehtan nih ka fa le tiah kan auh hna.
5. Midang tlamtlinlonak a hmu peng i a chim peng mi hna cu mi lunglawm nan si. Nan pa Sehtan sinah thawngtha thanhtu nan si.
6. Riantuantu upa hna cungah a tha a nuam lo i an riantuannak i ai lawm kho lomi hna cu mi lunglawm nan si. Thawngtha an chimmi nan caah pakpalawng a si dih.
7. Mah nih ngeihmi buainak cungah bawmhnak kawl loin khrihfabu long a a uhtanhmi cu mi lunglawm nan si. Keimah nan pa Sehtan sinah ra te uh.
8. Bia tha lo a chawhvahpi i zumtu. hawi sinah dawtlonak le thencheunak lawng a chuahpi lengmang cu mi lunglawm nan si. Nan pa Sehtan nan ka lawmhter.
9. Pathian rian tuannak ding caah thawhlawm a thawh lomi hna cu mi lunglawm nan si. Ka riantuan bawmtu kan ti hna.
10. Thlaruau lei ah ai pe ngaimi si tung i zumtu hawi u le nau a daw lo mi cu mi lunglawm nan si. Kan sin ah zungzal in nan um lai.
11. A cung bia pawl na rel tikah mah caah rel loin midang caah a relmi cu mi lunglawm nan si. Nan pa Sehtan ka rap ah nai i foih cang.

A lettu

Chan Thawng Lian

Categories: Artical

Leave a Reply