Simon The Right Time

Kum upat deuh in ka fiang chinchin. Thawn le san lio caan hi Satan he rak i neih bik lio a si tawn. Derthawm le tlak chamh lio caan bel ah mah le mah Satan ah i can a si ve fawn. Chan khat chung ah harnak tong bal lo an um lo. A lo cang, a dih cang timi dirhmun zong phanh caan a um. Hi lio caan te ahhin Khrih cu a zumtu caah ruah loin khuaruahhar in aa phuang. Chim cawk lo tuanbia a um. Zumtu Donald Gould (Kum 58) hi US ralkap, music tumtu a rak si. Spring Arbor University ah sianginn kai ding ah ralkap in aa din. Phaisa nih a har ruangah aa din than. 1998 ah a nupi hri in aa awk. A fapa zong a zohkhenh khawh lo ruangah an lak piak. Lungrawh in siai a tawng i lam kam ah rawl hal in a vak ve. Sarasota khua Florida lam kam i “Come Sail Away” timi hla piano in tum: “Vrigin rili pi ah keimah lawng lawng ka mawng. Nunnak thar tal ka hmu hnga maw tiin. Van ka zoh ah khuadawm a zawngmi lawng ka hmuh. Rili ti ka zoh ah a tu a kai lengmang mi ti hrahka hmuh. Cunihcun kan nun i ka rak ton thil vialte meici khah bang an ka kah. Ka hngakchiat le ka hawile he kan rak tlawn len caan ka ruat. Hmailei kan rak sadhu thah vialte kha. Aw.. sui um ai rak hmuh te lai bang. Ka Bawipa, hruahchannak ka pe ko ti lawng ka chim khawh. Cun van mibu an hung lang. An ka cawi  i Arfi in ser mi tilawng  in an ka zuan pi,” timi hla a si.

Cuka a pawng kal mi nih vedio an thlak i Youtube ah an thlah. Zan khat chungah million pahra nih an zoh. Vawlei khuaza kip a ttawl. Halvak pawl bawmhnak a tuah. Mi nun tampi a chanh. A fapa zong a lak than khawh. Joseph fapa Jesuh zong minung a si ve caah a vailam a pu kho ti lo. Rome cozah phung ah vailam tah ding mi nih a vailam a put khawh lo ahcun mi dang fial piak ding. Fial khawh lo ahcun anmah nih put ding ti a rak um. Anmah put cu an i nautat tuk.  Midang fial ding an kawl. Mirum, mifim, sifak, mi sual an um dih. Cuka ahcun Simon min a ngeimi pa 9 an um. Cu lakah meng 750 a hlat nak in a ra mi Simon celngel kha putpiaktu ding ah an fial. Amah cu Cyrene khua atu Africa nichuahlei Libya khua in lanhtakpuai (July 4 bantuk) zawh ah a ra mi a si. Mipem sathlai kanmah bantuk te a si. Khrih he pumpak in an i tonnak thawng in mithang zapi nih upatmi Alexander and Rufus hna hrangtu pa ah aa cang. A tuanbia cu nihinni tiang chim a si. 

Khuadawm le tilet lawng na hmuh caan a um lai. Na tuar tawn ve ko lai. Kei zong ka tuar ve. Jesuh zong nih a tuar ve. Hmahseh lungdong in um hrim hlah. Na zumhmi Khrih Jesuh nih an zoh ko. Amah sermi s ii hngalh, Amah bochan, Amah ca nun, lawng kan luatnak tak zungzal a hmunmi lam a si. Annih cu Keimah mi an s ii Keimah sunparnak petu dingah Ka sermi an si (Isa. 43:7) timi minung kan si. Vawlei thlichia le tilet nih den tikah a biakam a pelh bal lo Pathian nih a chanbau mi ka nun in a sunparnak langhter a duh cang. Kei ka rian cu zumh, ruahchannak ngeih a si. Thih zong le Khrih sinah i dinh ding. Nun si le Khrih caah. Bawipa Nangmah nawl. Mizaw damter khotu Pathian. Sifak dawtu Pathian. Mirum rumchinter  khotu Pathian. Mifim van fimnak chap tu Pathian. Lungawtawm mi lamhmuhsak tu Pathian. Thong cincik chat khotu Pathian. Lairam zong a damtertu ding Pathian.

.

1. Simon Peter (A Disciple of Jesus) ”Mathew 4:18” 

2. Simon the Zealot (A Disciple of Jesus) ”Mark 3:18” 

3. Simon (One of the brothers of Jesus) ”Mark 6:3” 

4. Simon the Sorcerer (He offered the apostles money) ”Acts 8:18” 

5. Simon Iscariot (The Father of Judas Iscariot) ”John 13:2” 

6. Simon the Pharisee (He was a Pharisee) ”Luke 7:39-40” 

7. Simon the Leper ”Home where the perfume was poured) ”Mark 14:3” 

8. Simon from Cyrene (Carried the cross of Jesus) ”Mark 15:21”. 

9. Simon the Tanner (Peter stayed at his home) ”Acts 9:43” 

. 

Categories: Uncategorized

Leave a Reply