S/W of Joyful People (Minuam pawl thawndernak)

 happy

“Nuamh a duhmi minung” pawl hi mi tha ngai an si. Hawi kom tha tampi an nei. Vawlei kan nun tawite ah nuamtein um ding a si tiah a zummi an si. Mi an i nuamh ah ai lawmmi an si. Thil hi a tha lei le a tluannak lei in an zoh. Zeidah kan tuah ah a nuamh lai tiin khua khan lairel a thawngmi an si. An thluak zong a cak i mipi caah a naummi tuah ding program suai an thiam. Tuanbia nuam chimh an thiam. Mi dang forhfial zong an thawng. Social tuah ah hruaitu tha an si. Vawlei hi mi vialte caah a nuammi hmun siseh ti an duh. An sin um a nuam i mi nih an hlam lengmang mi an si.

“Nuamh a duhmi minung” pawl nih i ralrin a herh mi cu buainak a um komi i thiehter lo khi a si. Harnak le buainak hna kha tong ngam loin a hrial in an hrial. Ngaihchiatnak le lungfahnak a chimmi pawl sinah thut to an i harh. Caan sau tuah dingmi rian an celh deuh lo. Dai tein um le ngaihchia lungrethei in um hi a hlawknak pakhat hmanh an hmu lo. Phungpai le sikaan pawl kha an uar lo. Uk le pen zong an huat. Rian har deuh paoh an zenh. Anmah an lungre theihnak kha an chim duh lo i ai nuam pengmi an i lawhter. Ei le din ah a za ti an hngal tawn lo. Harnak an ton taktak ve tik i an hrial khawh lo tikah midang mawhchait le purh dah in an caan a liam tawn.

“Nuamh a duhmi minung” pawl nih thazang lak a herh mi cu “Keimah hi mi thluak tha, mi khua khangkho ka si” ti i theih i mah le mah thazang i pek peng khi a si. Cun an thil ti khawhnak kha chikkhat ca lawng siloin phung le pai tangah lut kho lak in an i hnek a hau. Dai tein  mah lawng um caan le khua thuk deuh in ruah caan an pek a hau. Ngaihchiatnak le buainak hi a hrial in hrial siloin a ton in ton ding an si caah “I nihter” hman lo ding a si. Mah nih chim le tuah lawngte i timh loin midang nih an tuahmi zoh piak le ngaih khawh i zuam a hau. Mi nih fialmi paoh ah mah le thazang zoh in “Yes” le “No” chim ngam a herh.

Categories: Artical

Leave a Reply