Ttuan Caan, Dinh Caan

Ka hawi, na baa tuk tawn maw? Jesuh Khrih zong minung sinak ai hrawm ve caah baat a hmang ve. Johan 4:6-7 ah kan Bawi Jesuh a baatnak ai ttial: Samaria ram ah cun khua pakhat khi a hei phan i cu khua cu a min ah Saikhar a si. Saikhar cu Jakob nih a fapa Josef a pekmi lo khan a hla lo. Cuka ah cun Jakob tikhor kha a um i Jesuh cu a khualtlawnnak ahcun a bat caah tikhor pawngah cun a ṭhu.”  Kan Bawi Jesuh bantukin kan hruaitu ah kan thimmi, zung rian kan fialmi hna hi a baa khomi an si ve. Nang le kei zong rian kong, chungkhar le nunnak kong he ai pehtlaimi kongah a baa kho kan si ve. Minung kan sinak ah a chanbaumi i kawl  si ti loin dinh caan i pek tu kan i thiam cio ding hi USA ahcun a hau. Micheu cu ninga zan ah kan baa bik men lai. A dang cu zarhte zan tibantuk nan baa bik ve. Mi tampi nih ninga zanlei si lai an i ngaih bantukin Pathian rianttuantu tampi nih zarhpi zan dih lai an i ngaih ve. Kan rian cio nih a ngeih mi baatnak a si.

 

Aho kan si paoh ah kan baat cang hnu ah cun “No” timi biafang kan chim thiam a hau tiah Joe McKeever nih a chim (Rev. Chan Hnin Thuai nih MC Retreat, Nigrafall ah a chim fawn). I hnek ttung i phunzai tthan nih mah nunnak he bawmhmi nunnak he ipehtlaihnak a hrawh. Cucaah i din hmasa ta. Pastor zong nih “No” an ti a herh, caan sau deuh ttuan khawhnak caah a si. Baat hnuah rian i chap nih a chuah pimi thil hna cu:

  1. Khua ttha le thil thar a tthami ruah khawh a si ti lo. Kan thluak ttha tein rian a ttuan khawhnak ding ah dai tein um caan kan herh, kan thinlung kan thlarau kan taksa dinhter caan kan herh.
  2. Kan tha a baat tuk hnuin rian dang kan i chap peng ahcun thathawhnak nakin huam ti lonak a karh deuh. Rian kal tak duhnak le phunzai duhnak nih a kan uk.
  3. Kan tha baat hnu i rian dang kan i chap peng tikah tthawn lei kap nakin taksa thazang der lei kap lei tu ah kan phan. Thinlung a baat tikah taksa a cawl khawh lo bantukin taksa a baat tuk ahcun thinlung zong a molh chin lengmang ve.
  4. A baa tukmi minung na si hnu ahcun fawi tein na lung a dong lai. Kal tak, mak diam timi duhnak in na khat lai. Hmailei kong na ruat kho lai lo.
  5. Na baat tuk hnu ahcun nun can ziaza i remh duhnak thinlung nakin zei paoh si cang kho seh timi lungput na ngei lai. Mi caah nun duhnak a thlau thliahmah lai.
  6. Na baat tuk hnu ahcun na thin a tawi lai i na pawngkam minung an dawttu hna cungah nai hrocer lai. Lamhlat deuh minung cungah cun na hrang chinchin kho.
  7. Nangmah long um na duh lai. Mi nih hna hnawh lo na duh lai. Ih zungzal na duh lai. Lentecelh zong na huam ti lai lo. Thil pakhat kha hawikom ah nai ser lai.
  8. Bia khiahnak na tuahmi paoh hi na dam lio i na rak tuah ciami he an i kalh dih lai. Rang tukin biakhiahnak na tuah khawh fawn. Tuah cang hnu ahcun ningzahnak nih a zulh hoi.
  9. An dawtu hna cungah bia ttha lo na chim lai, khua ttha lo na ruat lai. Rang tukin mi huat le ziachiatnak langhter na hmang kho.

 

Hihi kanmah kan tlamtlin lo ruangah a si men lai lo. US ram nih a chuahpimi thlarau thinlung taksa thabatnak ruangah a si kho. Tha a baa tuk cangmi hna caah a ttha bikmi cu Pathian nih ramhring lakah bawhtermi si hi a si. Ramhring lakah bawh cu hramh tan khi a si lo. Dum chungah i chawh i belh phawi zong a si lo. Bawh bak khi a si ko. I dinh le baat dam (Thinlung, taksa, thlarau le tluak ) hi caan saupi Pathian rian ttuan khawhnak a si (Pastor Joe McKeever, May 25, 201

Categories: Uncategorized

Leave a Reply